Presentacion
Centra de Ressorgas
Toponimia
Calendièr
Visitas

 454969 visitaires

 9 visitaires en linha

Dictaa Occitana 2015


Parlarem en Vivarés e l'IEO-Ròse-Alps (IEO-07 e IEO-26) organisèron la Dictaa occitana, lo sande 24 de janvier en la sala "Jean Jaurès" dau GOLA, avenuá de l'Euròpa, ès Anonai.
dictaa_CR_reveil.jpg
Lo tèxte de la dictaa occitana 2015 :

 

[...]Ò ! per aquò, aviam una genta vista, mès qu'èra tot ! Perqué la vida l'i èra pas facila. Culhiam pas mau de chastanhas, quauquas cerèiras, aviam quauquas chabras, quauquas fedas... Fasiam a pena un ectò de vin de clinton (chaliá se cramponar a la taula per lo beure) mès tot aquò raportava gaire. E puei fasiam tot a la man qu'aviam gis de machinas... Portàvam tot sobre l'escina qu'en de caires los chivaus e mème los muòls podián pas passar. Mès, aquòdonc, aqu'èra parier quasi per tot lo monde. (92)

[...]La Torina èra brolhada en 1870 e disiá qu'aviá vist tres guèrras. Èra quasi jamai anada a l'escòla, perqué aviá gaire mai de detz ans quand la botèron a la fabrica, un molinatge de seda vès lo Pont de Bridon, sobre la Volana, onte "nosèt de bots" entrò l'atge de setanta ans. Restada vielha filha, aviá totjorn abitat emé mos grands, lhor bailava quasi tota sa paga, mème si lhi demandavon pas tant. Èra una brava femna, mès aviá un fòrt caractèr, e ma grand, l'Octavia (qu'apelavon la Taví), doça e timida, aviá sovent patit a causa d'aquò. Après dinnar, en prenent d'atge, la Taví suliá s'endurmir sobre sa chadèira en s'acodent a la taula. Mès la Torina lhi bailava un còp de code per l'esvelhar en lhi disent : "Anem, Taví ! ta vaissèla !" (277)

Auguste CHAMBOULEYRON

in Lo Grinhon n° 30, bulletin de l'Associacion Parlarem en Vivarés, 1997.

Data de creacion : 10/12/2015 : 06:28
Categoria : Centra de Ressorgas - La Dictada Occitana
Pagina legida 2450 còps
Precedent  
  Seguent

Pòrta d'Òc
Rechèrcha
Rechèrcha