Presentacion
Centra de Ressorgas
Toponimia
Calendièr
Visitas

 454969 visitaires

 7 visitaires en linha

viure2014.jpgEstagi Viure Òc 2014
Sant Restit, la pèira, la cauç
 
estagi01.jpg
Coma d’aquí endavant cada annada dempuèi 7 ans, l’IEO Droma a organisat son estagi de cultura e lenga d’òc. A agut luòc lei 12 e 13 d’abrieu vès Sant-Restit, en collaboracion amb lo Fogau Rurau de Sant-Restit. Aquesta annada, una trentena d’estagiaris an trabalhat sus lo tèma dei peirieras.

estagi02.jpgLo dissabte matin foguèt consacrat a una passejada patrimoniala (e ensolelhada) sus lo camin de la pèira e a la peiriera dau forn de cauç. L’après-dinnar foguèt consacrat ai cors de lenga, estructurats a l’entorn de 3 atalhiers : lectura de textes occitans e convèrsa, atalhier de produccion en occitan, analisi avançada de textes sus lo tèma dei pierieras. La promièra jornada es estada completada per una initiacion ai danças tradicionalas (mazurkas, escottishs, borrèias), e leis estagiaris poguèron metre en pratica lors novèlas aptitudas tre la vesprada per lo balèti amb Roche e Breugnot.



estagi03.jpgAprès una brèva nuech, leis estagiaris tornèron au trabalh lo dimenche de matin e poguèron aprofechar d’una conferéncia apassionanta, en occitan, de Danis Rós sus lei pierieras de Sant-Restit. I foguèt question de toponimia, de l’exploitacion dei pierieras, de l’organisacion dau trabalh. La presentacion es estada completada per d’anecdòtas sus leis òmes e lor temps, coma per exemple lei graffitis que testimoniavan de la lucha entre lei blancs e lei roges, o tanben aquesta susprenenta descoberta entre lei graffitis de la debuta d’un alfabet sanscrit que nos ramenta que mai d’un obrier venguts d’Índia an trabalhat dins lei pierieras… La darrièra mieja-jornada a vist leis estagiaris completar aquesta dimenchada amb una seconda sesilha de cors d’occitan.

Aquel estagi foguèt doncas coma lo solèu d’aquesta dimenchada : calorós que non sai...

Data de creacion : 08/12/2015 : 06:24
Categoria : - Estagi Viure en Òc
Pagina legida 2360 còps
Precedent  
  Seguent

Pòrta d'Òc
Rechèrcha
Rechèrcha